ಮುಗ್ದ ಮನಸಿನ ಭಾವಗೀತೆ...
ಮಾತಿಗಿಂತ ಮನಸಿನಮಾತಿನಲ್ಲಿ ತುಂಬಾ ಅರ್ಥ ತುಂಬಿರುತ್ತದೆ ...!
ಕವಿತೆಗಳು
ಲೇಖನಗಳು
ಕಾರ್ಯಕ್ರಮಗಳ ಮಾಹಿತಿ
Tuesday, May 30, 2017
ನವಕಾವ್ಯ
ನೆನಪುಗಳ ಹಾವಳಿಗೆ
ಕನಸುಗಳ ಪ್ರತಿದಾಳಿ
ಮುಗಿಲಿಗೂ ಮಿಗಿಲಾಗಿ
ನವಕಾವ್ಯ ಬರೆದಿದೆ ತಂಗಾಳಿ
--ಕವಿತಾ ಗೋಪಿಕುಂಟೆ
ಕಿರುಮನ
ಕಿರುಬೆರಳಿಡಿದು
ಕಿರುನಗೆ ಸೂಸಿ
ಕಿರುನೋಟದಿ
ನಿನ್ನ ಕಂಡು
ಸಂಭ್ರಮಿಸುತಿದೆ
ಕಿರಿದಾದ ಈ ಮನ
--ಕವಿತಾ ಗೋಪಿಕುಂಟೆ
Monday, May 22, 2017
ಪುಟಿವ ಮನ
ಸೆಳೆತ ತೀರದ
ತೀರ ಯಾನ
ಕಾಲಷ್ಟೇ ಚಲಿಸುತಿದೆ
ಮನವು ಮೌನ
ಕಿವಿಯಲ್ಲೋ ಕಳೆದಿದೆ
ಒಳಗಣ್ಣು ಮುಚ್ಚಿದೆ
ಸಾಗಿದೆ ನಡಿಗೆ
ದೂರ ದೂರ
ಹೆಜ್ಜೆಗುರುತ ನುಂಗುತಿದೆ
ಸುಪ್ತ ಮನ
ತಿರುಗಿ ಉಳಿಸಲೆಂದೇ
ಪುಟಿವ ಮನ
--ಕವಿತಾ ಗೋಪಿಕುಂಟೆ
Tuesday, May 16, 2017
ಮನದ ಧ್ಯಾನ
ಪ್ರೀತಿ ದ್ವೇಷವ
ಕಂಡ ಮನ
ಮಾತು ಬಿಟ್ಟಿದೆ
ಶಾಂತಕೊಳಕೆ
ಕಲ್ಲೆಸೆಯುತಾ
ಧ್ಯಾನಿಸುತ್ತಿದೆ
ಅಲೆಗಳ
ರಿಂಗಣಕೆ
ಕಂಪಿಸುತ್ತಿದೆ
--ಕವಿತಾ ಗೋಪಿಕುಂಟೆ
ಸೋಜಿಗ
ಬಂದು ಬಳಿ ನಿಲ್ಲದೆ
ಮಂಡಿಯೂರಿ ಕೇಳದೆ
ಸೆಳೆತದೆಳೆಯ
ಬೀಸಿ ಸೆಳೆದು
ಅಪರಾಧವಿಲ್ಲದೆ
ಆಪಾದಿಸಿ
ಅಪಾರವಾಗಿ
ಕಾಡಿ ಸೆಳೆದು
ಸೂಚನೆಯೇ ಇಲ್ಲದೆ
ಸೋಜಿಗದಂತೆ ಸೆಳೆದು
ಕದ್ದೊಯ್ದನಲ್ಲ ಮನವ
ಕಾಣದೆನ್ನ ಕೃಷ್ಣನು
--ಕವಿತಾ ಗೋಪಿಕುಂಟೆ
Thursday, May 11, 2017
ಪ್ರೀತಿ ಸುಳಿ
ಗುಂಗುರು ಕೂದಲ
ಕಡುಕಪ್ಪಿಗಿಂತ
ಕಟುವಾಗಿ ಕಾಡುತಿದೆ
ನೀಲ ಬಣ್ಣ
ಕೊಳಲ ನಾದದ
ಗುನುಗು
ಪ್ರೀತಿ ಸುಳಿಯಲಿ
ಸುಳಿಸಿ
ಹಿಂಡುತಿದೆ ಜೀವ
ತೆರೆವ ಮುನ್ನವೆ
ಮನದ ಭಾವ
--ಕವಿತಾ ಗೋಪಿಕುಂಟೆ
Newer Posts
Older Posts
Home
Subscribe to:
Posts (Atom)