Wednesday, September 16, 2015

ನನ್ನಾಯ್ಕೆ

ನನ್ನಾಯ್ಕೆಯ ಜಗದಲ್ಲಿ
ನನಗಾಗಿಯ ನಿಯಮಗಳಿಲ್ಲ
ರೀತಿ ನೀತಿ ಹೆಸರಿನ
ಲಕ್ಷ್ಮಣ ರೇಖೆಯಿಲ್ಲ
ಸಂಕಷ್ಟಗಳ ಸುಳಿವಿಲ್ಲ
ಆದರೆ
ಕನಸುಗಳ ಕಲರವವಿಲ್ಲ
ಜೆಂಜಾಟದ ಝೇಂಕಾರವಿಲ್ಲ
ಛೇ
ಮರೆತೇಬಿಟ್ಟೆ ನಾ
ಆಯ್ಕೆಯ ವೇಳೆ 
ಜೆಂಜಾಟವಿಲ್ಲದೆಡೆ
ಕನಸುಗಳು
ಕಮರುವುವೆಂದು
ಹಸಿವಿಲ್ಲದೆಡೆ
ಶೋಧನಿಲ್ಲುವುದೆಂದು

                                                  ಇಂತಿ,
                                                  ಕವಿತಾ ಗೋಪಿಕುಂಟೆ

ಹುಡುಕಾಟ

ವಿಜ್ಞಾನಿಯೊಬ್ಬ ನವಗ್ರಹಗಳ
ಅಳೆದಳೆದು ಹುಡುಕುವನು
ಆಯಸ್ಸನು
ಜ್ಯೋತಿಷಿಯೊಬ್ಬ ಕೂಡುತ್ತ ಕಳೆಯುತ್ತ
ಗುಣಿಸುತ್ತ ಭಾಗಿಸಿ ಹುಡುಕುವನು
ಭವಿಷ್ಯವನು
ಕವಿಯೊಬ್ಬ ಹುಡುಕುವನು
ಪ್ರೀತಿ ಸೆಳೆತವನು
ಸಾಮಾನ್ಯನೊಬ್ಬ ಹುಡುಕುವನು
ದೇವರನು

ಇಲ್ಲಿ ಎಲ್ಲರು ಹುಡುಕುವುದೊಂದೇ
ಅದುವೇ ಜೀವನ
ಬದುಕಿನ ಪ್ರತಿ ಹಂತದ
ಹುಡುಕಾಟವೆ ಪ್ರೀತಿ
ಇದುವೇ ನಮ್ಮಯ
ಹುಡುಕುವ ರೀತಿ
                                                  ಇಂತಿ,
                                                  ಕವಿತಾ ಗೋಪಿಕುಂಟೆ