ನನ್ನ ಆತ್ಮದ ಜೊತೆಗಾರ
ನವನೀತಚೋರನ ಶ್ವಾಸ
ಕೊಳಲ ನಾದದಿ ಬೆರೆತು
ನನ್ನನ್ನೇ ಹುಡುಕಿ ಬಂದು
ಸೂಸುತಿದೆ ಘಮವ
ಹೋದಲ್ಲಿ ಬಂದಲ್ಲಿ
ರಮಿಸುತಿದೆ ನನ್ನ
ಮನ ಪುಟಿದಾಗ
ಹೊರಳಿಸುತಿದೆ ಕಣ್ಣಿಂದ
ತಿಳಿನೀರ ಮುತ್ತೊಂದ
ನಾ ಭಾವುಕಳಾದಾಗ
ಬಿಚ್ಚಿಡುತಿದೆ ನೆನಪ ಬುತ್ತಿಯ
ನಾ ಏಕಾಂತದಿ ಲೀನಳಾದಾಗ
ಸೆಳೆಯುತಿದೆ ನನ್ನಾತ್ಮವ
ಅವನಾತ್ಮದೆಡೆಗೆ
ನನ್ನನ್ನೇ ಸೆಳೆಯುತಿದೆ
ಅವನೆಡೆಗೆ
ಇಂತಿ,
ಕವಿತಾ ಗೋಪಿಕುಂಟೆ
ಆತ್ಮದ ಸೆಳೆತವೆಂದರೆ ಅದು ಕಾಯಕ್ಕೂ ಮೀರಿದ ದೈವಿಕ ಆಕರ್ಷಣೆ. ಒಳ್ಳೆಯ ಪ್ರಸ್ತುತಿ.
ReplyDeletehttps://m.facebook.com/groups/191375717613653?view=permalink&id=435285689889320
ಧನ್ಯವಾದಗಳು ಬದರಿ ಸರ್ ...
Deleteಬಹಳ ಚನ್ನಾಗಿದೆ
ReplyDelete