Thursday, February 13, 2014

ಕನಸು ಮತ್ತು ಆಸೆ

ಸಾವಿರಾರು ಕನಸುಗಳು ಸಾಲುಗಟ್ಟಿ ನಿಂತಿರುವಾಗ
ಆಸೆಗಳೆಲ್ಲವೂ  ಕನಸುಗಳನು ಹಿಂಬಾಲಿಸುತಿರುವಾಗ 
ನಾ ಕಂಡ ಕನಸುಗಳೆಲ್ಲವ
ಒಂದೇ ದಿನದಲಿ  ಹೇಳಿಬಿಡೆಂದರೆ ಹೇಗೆ..?
ನನ್ನೆಲ್ಲಾ ಆಸೆಗಳ
ಒಂದೇ ಉಸಿರಲಿ ಹೇಳಿಬಿಡೆಂದರೆ ಹೇಗೆ..?

ಎಲ್ಲಾ ಕನಸುಗಳಿಗೆ  ರೆಕ್ಕೆ ಪುಕ್ಕ ನೀಡಲಾಗದಿರುವಾಗ
ಎಲ್ಲಾ ಆಸೆಗಳಿಗೆ ಜೀವ ತುಂಬಲಾಗದಿರುವಾಗ
ಪದಗಳೆ ನಿಲುಕದ ಕನಸುಗಳಿರುವಾಗ
ಭಾಷೆಯೇ ಅರಿಯದ ಆಸೆಗಳಿರುವಾಗ
ಎಲ್ಲವನ್ನು ಹೇಳಿಬಿಡೆಂದರೆ ಹೇಗೆ..?

ಪ್ರತಿದಿನವು ಹೊಸ ಕನಸುಗಳು ಜನಿಸುವಾಗ
ಪ್ರತಿಕ್ಷಣವು ಹೊಸ ಆಸೆಗಳು ಮೂಡುವಾಗ
ಎಲ್ಲಾ ಹೇಳಿ ಮುಗಿಸಿಬಿಡೆಂದರೆ ಹೇಗೆ..?

                                                                         ಇಂತಿ,
                                                                         ಕವಿತಾ ಗೋಪಿಕುಂಟೆ

2 comments:

  1. ಸಕಾರಾತ್ಮಕ ಕನಸುಗಳು ಹುಟ್ಟುತಿರಲಿ ಅನುಕ್ಷಣ.

    ReplyDelete
    Replies
    1. ಕನಸುಗಳ ಹುಟ್ಟು ಸಾವು ನಿರಂತರ ಬದರಿ ಸರ್ :)...

      Delete

Note: Only a member of this blog may post a comment.